| I 12 MESI (da: Tommaso Esposito, Il carnevale acerrano nella tradizione popolare, Acerra 1979) |
’A TRASUTA ’E PULECENELLA |
Signuri, ’i a tutti ve saluto!
’I sò Pulecenella pappone, pappone
e porto sempe ’ncapa ’o cuppulone.
Trirrece ’e nuie simme,
a coppo Castiello scennimmo,
cavurare nuie simme.
’E tielle vecchie
nove ’e facimme.
Ciave, signuri miei,
gruosse, mezzane e piccole
e cu na grande reverenza e
senza cerimmonie apparicchiate
na quacquera d’ove fritte
e pe’ cumpagnia na papera cotta.
Signò, mè, preparate ll’ove.
E si ll’ove nun ’e tenite,
penziere ’ncape nun ve mettite,
scinnite abbascio ’a cantina
e pigliate nu pizzipapariello ’e vino
ca ’a saluta vosta nuie vevimmo.
Si manco chesto tenite
penziere ’ncape nun ve mettite:
jate a d’ onna ’Richetta
e pigliate na stecca ’e sigaretta,
po pigliate la furcina
e spannite la perteca china
’e sasicce, supersate e pettoline,
tutto chello ca tenite.
Quanno Pulecenella teneva ’e renare
teneva amice, pariente e cumpare.
Mo ca nun tene cchiu niente
ha perzo amice, cumpare e pariente.
Signuri miei, aieressera alluccaie
’a ciucciuvettula ’mponta ’o mulino
e stanotte mm’e mmuorto ’o ciuccio.
Piglia ’o ciuccio, trova’o ciuccio,
ancappa ’o ciuccio.
Aggiu perzu ’a cora, ’a capa
e ’a capezza d’ ’o ciuccio.
Aggiu truvato ’o ciuccio,
oiccanno ’o ciuccio (viene scherzosamente indicato uno dei presenti)
Veneno ancora ’e nenne appriesso a mme
ca riceno: « Oh, Pulecenella mio,
Pulecenellu mio, avitene pieti ’e me
Pulecenelle mio! ».
Signù si ’i moro a vuie ve resto ’o ’ritto:
nun me atterrate ’nzieme a ll’ati muorte,
faciteme na fossa longa e stretta
pe’ quanto nce cape stu misero cuorpo.
E me mettite sausicchie a cape
e supersate a piere. Quatto fiasche
’e vino mm’e mettite pe’ cannele.
Signu, arricurdateve ca Pulecenella
e mmuorto ’nviso di viglianza
e cu nu casecavallo ha fravecato tre mure:
uno a Santunerdo, uno a Tuledo, e n’ato a la Ferrovia.
Signu, chisto e Pulecenella pappone, pappone,
vuie mme date sausicchie e io mme ’bbotto
into ’a maneca e accussi dongo a campa
a tutto stu battaglione.
Neee? Vuie nun mme date?
E io da cca nun me ne vaco.
|
VOLANTE |
Io son Volante e Volentieri di Tutti.
Sono il comandante di questa truppa,
sono il babbo di questi dodici figliuoli.
Fatti avanti a questi signori
e conta le tue ragioni. (indicando il mese di gennaio)
|
JENNARO |
Signuri, 'i a tutti ve saluto!
Vuie avite 'ntiso a Pulecenella
ca è capace e mò sentite 'o mese
'e jennaro che ve dice.
Sentite stu mutteto ca
sò poche parole e niente frutte.
Veneno ancora 'e nenne appriesso a me
ca vanno truvanno 'a 'nferta.
E capo 'e l'anno sò chiammato
e songo 'o primmo 'e tutte.
'i sò Innaro e sò primm'entratura,
sò mieie re e pucurare, e 'vaco a
caccia' 'e viecchie e 'e putature.
Malo chill'ommo ca jastemma 'o mese 'e Innare:
'i votto 'o viento 'e terra e 'nce rompo 'a scala.
'Lloro cu la jastemma e io cu ll'usco,
votto viento 'e terra e faccio frusco.
Signò arricurdateve ca 'a mala sciorta
è d' 'e putature ca se mangiano
'o pane cruro, peruto e senza sale,
'o vino d' 'a sculatura e tutte
'e cape 'e sarache sfracetate.
Tantu filu portano lloro attuorno
a chilli cauzune, pe' quanta
cannave sta a muntune 'o fusare Agnano.
E chi mamma bella 'nce dà na guaglion
a sti villane ruzze, cafune?
Chella ca nun 'a trova proprio a mmaretà.
|
FREVARO
|
Signuri, ’i a tutti ve saluto.
’I songo Frevaro curto, amaro
e peggio ’e tutte.
Che spezio ve pozzo fa into a vint’otto juorne?
Pe’ tramente m’acalo ’nterra e piglio sta frusta
nun ve faccio avutà cchiù de n’ora attuorno.
Signù, compatiteme ca auanne
e stata na grossa secceta
e pure ’into ’o sciardino mio aggio menato ’a zeppa.
E si Frevaro v’ha dato sgusto,
mò vene chillu straccione ’e Marzo e ve dà
cchiù gusto.
|
MARZO |
Sorgio, risorgio,
'oiccanno a Tatonno 'o Vurpiciello,
ancora è vivo e nin è mmuorto.
Signori, io a tutti ve saluto!
Stammatina ’a mugliera ’e Marzo
steva nu poco ’ncullarata
e ll’aggiu ritto: « Francè, mangia! ».
« Nun bbogliu mangià ».
« E pecchè nun bbuo mangia? »
« Stongo nu poco scuntienta
pecchè stammatina chiuveva
e mo è sciuto bontiempo! ».
E già ca è sciuto bontiempo
‘nce facimmo sentì nuie na parlata
a sti villane, ruzze, cafune, fetiente.
Signù, ’i songo Marzo
e chillu bellu mese capo d’ ’a primmavera sò chiammato.
A mme aspettano sti villane, ruzze, cafune,
pe’ se levà stracce, petacce e cauzettune.
’I sò nato cu ’a mancanza ’e luna,
n’ora ve faccio ricco e n’ora ve faccio povero,
n’ora ve faccio asciutto e n’ora ve faccio ’nfuso,
n’ora ve faccio bello e n’ora ve faccio brutto.
Ma ’i si ’ngrifo va faccio leva ’a cammisa.
Si aggrogna, ve faccio cade ’e dete cu tutte ll’ogne.
Zappo e rizappo cu sta mia zappella,
e mangio pane e puorre e stongo sempe riuno.
Stongo contro ’o pucuraro ’e nufriese
e ’o viecchio scartellato
quanno ’e cerevelle meie stanno ’ncazzate.
Stongo contro a don Nicola ’o Prevete
ca patisce ’a rogna,
e a zi Vicienzo quatt’ove ca
patisce ’o male francese.
Chesta e ’a ricetta e tutto e cumpreso,
’a putite spedì a qualunque farmacia d’ ’o paese.
Signò, a Frevaro avite fatto’a culata?
E Marzo pazzo, cazzo v’ha seccata!
|
ABBRILE |
Signuri, ’i a tutti ve saluto! (con voce efferninata)
Io sono Abbrile e gli alberi
aspettano a mme ca guarisco la terra.
Io sono Abbrile e ddolce e dormire,
gli aucielli a cantare e gli alberi a fiorire.
Di questi fiori ne colgo un mazzetto
e lo do a Maggio che e più giovinetto.
|
MAGGIO |
Signuri, ’i a tutti ve saluto!
Io sono Maggio cu ’na bella entrata,
ll’uorio sicco e ’o grano ’ncerato.
Io sono maggio, maggior di tutti
e maggior d’ogni mese.
D’oro e argiento ne guarnisco tutto
e oro e argiento manno pe’ ogni paese.
E vuie, nenne, amate a Maggio
’e veru core, ca Maggio e ’o vero mese d’ ’e ’nnammurate
quanno vanno a fa ‘o lippo lappo ‘into ‘o prate.
E pure li ciucce vanno a ’lla furesta,
chi arraglia, chi allucca e chi fa festa!
|
GIUGNO |
Signuri, ’i a tutti ve saluto!
Io songo Giugno e cu sta mia sarrecchia
tanno meto quanno sto ’nchichierchia.
Si appriesso a mme ’nce vene quarche vecchia
io ’nce tiro cuorie e pellecchia
cu sta mia sarrecchia.
Si po’ ’nce veneno quatte nenne belle
’nce faccio avuna sti spigarelle.
A ora ora la pignata volle,
la voglio rivotare cu sta mia cucchiara,
a ’into ’nc’esce sta scarnecchia
e trentasei carrafe costa sta varrecchia.
Cchiù sotto ’nc’esce na ’bbalicia,
mo vene ’o mese ’e Luglio
e verite ca ve dice.
|
LUGLIO |
Signuri, ’i a tutti ve saluto!
’I songo Luglio cu stu carru ruttu
jateme a chiamma nu poco 'a figlia
’e lu mannese ca sti gregne so d’ ’e mise e so d’ ’e frutte,
e sta terra m’ha rutto ’o carro e la carresa.
Carreca amicu mio, ca nuie stammo asciutto,
ca si nun chiove, ’nce perdimmo ’a spesa
’a turnata ’nce carrecammo tutto
e ’nce ne jammo cantanno a la carrese!
|
AUSTO |
Signuri, 'i a tutti ve saluto!
'I songo Austo e cu nu gran calore
a llietto cu le donne nun ve cuccate.
Magnateve na menestella cu gran sapore,
faticate poco c'assaie campate.
Io songo Austo e pieno d'infermità
tengo stu mio fronte
si manco mme vattesse cu stu mio maglio apposta.
Si 'o miereco mme aurdinasse na merecina
io pe' dispietto me mangiasse sta vallina.
Si po' mm'aurdinasse pe' malato
mme mangiasse paste e fasule comme a nu disperato.
Si po' m'aurdinasse tre quattuciento mugliere
mm' 'e mette 'nnenze e mme porto pe' 'e sepe
e 'nce facesse passà friddo, quartana e freve.
Si chelle po' stanno appicciate
'e porto a cantina d' 'o Percíate.
Si po' stanno 'ncalore
'e porto 'into 'a via vecchia d' 'o Pagliarone.
|
SETTEMBRE |
Signuri, ’i a tutti ve saluto!
’I so Settembre cu sta fica moscia
e ll’uva muscarella già finisce.
Si qualcuno ‘e vuie tene ‘a paposcia
Io ‘ncì ‘a maneio e ‘a passo bella liscia, liscia,
Stammattina aggiu jiuto a Frasche
a fà nu carro ’e fiche perzeche e mele lisce.
Signò chisto è ’o mese ca conta ll’uvaiuolo,
fiche perzeche e mele lisce
a ’dduie sorde ’o ruotolo.
|
UTTOBRE |
Signuri, ’i a tutti ve saluto!
’I songo Uttobre e cu sta fescena vennegna
st’uva fresca ne porta nu segno.
Accussì vaco truvanno quatto nenne belle
ca mme regneno zeppe zeppe sti cupelle.
’I songo Uttobre, e ’o ciciariello mio
e cchiu suprano d’ ’o regno.
Quanno ’o ciciariello mio e chino ’e vino ’bbuono,
tutte ne fa parla: Tedesche e ’Taliane.
Jammo, tanno s’arrenneno sti quatto
femmenelle, quanno veneno ’e marite a fora
e schiaffano cu ’e corne ’nterra.
|
NOVEMBRE |
Signuri, ’i a tutti ve saluto.
’I so Nuvembre e capo d’ ’e surcature sò
chiammato, e ognuno striscia la sua semminella
e io pure vaco truvanno
nu guaglione o na nenna bella
ca mme tira ’nnanze sta iummentella.
Preghiamo al cielo ca ce manna
na bbona stagione ca travagliammo
tutti allegramente:
chesto ’o semmeno pe’ me
chesto pe’ ll’aucielle
e chesto pe’ ’e nenne belle.
|
DICEMBRE |
Signuri, ’i a tutti ve saluto!
’I so Dicembre addicembraio
’a sculatura ’e tutte sti belli mise c’hannu passato.
Stammatina mm’aggiu fatto na menestella
cu chell’ussarelle ’e chillu purcelluzzo
ca nun aggiu acciso ancora.
Po mm’aggiu fatto na cammenata pe’ sti putechelle
e na pruvvista pe’ sei mise ’e farenella.
Tengo na votta ’e vino verdisco
na bella mugliera e ’o lietto frisco,
n’ata la tengo a la morena
e arrivedercio all’anno ca vene.
E si ’nci ’obberimmo e campammo
arrivedercio a tutte quante!
|
| |
|
| LA CANZONE DI ZEZA
(Versione raccolta dal sig. Cuono Crispo nel gennaio 2002) |
|
Pulcinella |
Vuie sentite signure miei
vedite a me ca me succede
‘nnanze ‘a chesta ‘mpesa che m’è mugliera.
Je sera jette a casa
nun truvaje la cannela
essa cu zi’ don Nicola cuccata steva.
Ah sotto ’o lietto steva!
|
Zeza |
E va’ ca Pasca nun te vatte né
rint’a stu bruttu naso,
chillu era lu padrone mo de la casa.
Vuleva li denare
de la terza passata.
Si nun seva pe Vecenzella jve carcerate.
Ah jve attaccate!
|
Pulcinella |
Oi Zè m’è state ditte né
a tutte stu cuntuorno
ca ccà ‘sist n’abbate mo notte e ghjuorno.
O cielo si te ‘ncoccio
ohi Zè na paliata
da quantu tiempe ’a tiene priparata.
Ah tiene stipata!
|
Zeza |
E stu abbate ca tu dice ma-
ritiè nuje nun l’immo visto.
Oggi stamme a nu munno ca è troppo triste.
E’ ’a gente de sta chiazza
ca a nuje ’nce vonno male
perciò sti cose ce veneno a cuntare.
Ah a raccuntare!
|
Pulcinella |
Ohi Zè ca je mo jesco sta-
tte attient’ a sta figliola
nun la fa praticare quanno sta sola
Ohi Zè stattece attiente
e nun la fa praticare
ca chella ca nun sape se pò ’mparare.
Ah so pò ’mparare!
|
|
E nun ce bbadà a chesto
maritiello bellu mio,
a sta figliola l’aggio cresciut’io.
Io lo sto sempe a dire
è figliola onorata
pe essa nu tesoro tene stepate,
Ah tene stepate!
|
Pulcinella |
E sarrà comme tu dici uè
ccà je agga ripartì
nun fa ca a la finesta lo fai trasì
pienza ca je so aonorato,
i so nato aonurato
nun fa ca torno in casa mo ’ncurunato.
Ah ch ’e corne ’ncape!
|
Zeza |
E partete, e vavattenne
pappavalle ca staie ’ncaiola.
Pe te aggiu tenere chiusa a sta figliola.
La voglio fà spassà
cu ciente nnammurate,
cu principe e signure, mo cu n’abbate.
Ah po cu ’e surdate!
|
Entra Don
Nicola leggendo |
Già punte e pellicule
nu palmo sott’o velliculo
nc’è sta nu grand’ periculo
Don Nicola curiuso o nzippa pa fenest’
e o cacc’ po pertus’
o nzipp sicc e o cacc’ nvus’
|
Contemporaneamente Vicenzella |
E mamma mamma je a chi
vedo a chillu bello de ’o zi don Nicola
me pare ca mò jesce da la scola.
Si isso me vulesse
io me lo spusarrie
pe ’nnenza a chistu ’mpise ’e tate nun me ce starrie.
Ah nun me ce starria!
|
Don Nicola |
E giraie tutte lu munno
sono stanco de bellizze
oi né comme ’ nu mare je ta ‘ccarizze
Nun penzo chiù allu studio
E nemmeno a Vecaria
penzo semp’ a te curezzella mia.
Ah curezzella mia!
|
|
E biate chi ve vede nè
si don Nicola ca è state,
venitece a truvà uè qualche ghiurnata
I n’auto manno a vuj
u core ita feruto
o pizzo ’a Vicenzella l’ita mettuta.
Ah l’ita mettuta!
|
|
E mamma mamma che faie lloco fora
Trasetenne a cucuna’
si vene chillu ’mpisu ’e tatet ci da li tuorni
a te nun te fa niente
e a mme me ricarosa.
A tutte ’e ddoie ’nce fa ue na bona ’ntosa.
Ah na bona ’ntosa!
|
|
Io no per dire chesta quatrana
io me vedo ’zalanute
tutte lu cerevielle c’aggiu perdute.
Nun penzo chiù allo studio
e nemmeno in Vecaria
io penzo semp’ a te curezzella mia.
Ah curezzella mia!
|
|
E je per voie già aggio lassato uè
n’abbate e nu marchese
ca erana ire a spusare pe a fine de stu mese.
M’avite ’nguariata,
m’avite ’nguariata
meglio sola sulella m’ivena scannare.
Ah m’ivana scannare!
|
Pulcinella |
E tu senza ca te scanne
t’ ‘o fa patete stu servizio
|
Zeza |
Zitto maritu mie, tu vaie ’mpregiudizio.
|
Pulcinella |
E tutte tu mo ’nc’haje cuorpe ne
va ca si ca fu state
meglie ca a chisto munne nun ce fusse nate.
Si n’ata vota tuorne
e tuorne pe ’stu cuntuorne
je nun te faccie campà manco nu juorne.
Ah manco nu juorne.
|
Zeza |
E si è fatte na gran cosa ne
tiratillo stu vraccio.
|
Pulcinella |
Vattenne Zè si no e vedè ca te faccio.
|
Zeza |
Che mm’aje me fa muccuso
lu piello ca te afferra.
Tu proprie ccà mmiezo vuò fa na guerra
Ah vuò fa na guerra!
|
Pulcinella |
E si turnate n’ata vota ne
pa ca si ca fu state
meglie ca a chisto munne nun ce fusse nate.
Si n’ata vota tuorne
e nun tuorne cu crianza
piglio stu cuorne e t’o chiave rinto ’a panza.
Ah mo rinto ’a panza!
|
Don Nicola |
E mannaja a li morti toje
a me tante bastonate?
Tutta lo petorchino monna tratunato
si vaca a lu catò
e prendo il cacafoco
po’ vengo e ti rimano tra questi loco
Ah ti rimano loco!
|
Vicenzella |
E tu proprio ce’ ncuocc’
ca nun me vuò marità
te voglio ’fa vedè ca te saccio fa
|
Pulcinella |
C’ maj me fa scrufella
i pe te aggiu essere acciso,
|
Vicenzella |
ma tu che cancare ’ncape mo ca te mise?
|
Zeza |
Ah mo ca te mise!
|
Don Nicola |
E arreto fatte arreto ne
piezze ’e vastasuni
te voglio fa vede chi e ’o zì don Nicola.
E voglio fa passà
a te tante ravicce.
Sti carne toie te naggiu ’a fa sasicce.
Ah tutte sausicche!
|
Pulcinella |
E pietà e meserricordia,
ca io aggio pazziato.
|
Zeza e Vicenzella |
Vedite comme tremma stu sciaurato
|
Vicenzella |
E nennì si me vuò bene uè
nun me accidere a tate.
Nun me fà tennere a mente sta jurnata.
Nennille de stu core
maritiellu bellu mio
fattile ra passare stu vulio.
Ah chistu vulio!
|
Don Nicola |
E io per te lo lascio vivere,
e io per te lo lascio stare
ma tutte ’e duie m’avite adorare.
E dimme si si cuntiento
dimme si si cuntiento.
Si surdo si cecato o nun ce siente?
Ah nun tiene ’e diente!
|
Pulcinella |
E gnursì ca io so cuntiente
songo surdo, song’ cecato e nun vaco niente
nun ce sarraggie cchiu chi è zi don Nicola.
E manco pe ciento anne
manco pe ciento e uno
je stongo in casa mia chine ’e paura
Ah sotto ’o fuculare o’ scuro!
|
Tutti |
Mo ca zombane li guaie
mo ca simme li contiente,
oi Zè va ’nvità a tutti sti parienti
a tutti sti signuri
ca nui stanne a sentire.
a tutti a lo banchetto imma fa venire.
Ah l’imma fa venire!
|
Zeza |
E dateve la mano ca puzzate muri ’ncocchia
Figliama a don Nicola mo se scunocchia.
Chesta e ’a dote e Dio va manne bbona!
|
|
|
|
|
|
|
