Jesce jesce, corna,
ca mammeta te' scorna,
te scorna 'ncopp'allastaco,
e te fa 'nu figlio masculo.

Chiove e ghiesc'e 'o sole,
E 'na vecchia sta a fa ammore,
sta a fa ammore int’o tiane,
E 'na vecchia ruffiana.

Peppe scuppetta,
‘o fucile e ‘a baiunetta
spara ‘o cannone
e va a culo 'o chiattone.

Scugnato senza riente,
vasa 'nculo a zì' Vicienzo;
scugnato senza mole,
vasa 'nculo a zì' Nicola.

Ce steva na vota 'nu viecchio e 'na vecchia
e steven' re' case' 'ncoppa 'nu specchio,
steven' re case 'ncopp 'a 'nu monte
statte zitto ca' mo' t'ho cconte.

Ce steva 'na vota Cico Cicasso
jeve vennenno fiche e passi,
riciette rammene uno e me chiavava 'nu cauce 'nculo,
riciette rammene 'n'ato e me chiavava 'nu cauce 'ncapo.

Jett' sott'o liett
e truvaje tre cunfietti,
un' janco un verde e 'n'ato russo,
tappete e l'hai 'nfaccio 'o musso.

Mmiez' a 'na viarella
nce steva 'na funtanella
a ro' jevan' a bevere 'e paparelle
chist' 'a 'cchiappamma,
chist' 'a 'ccirimma,
chist' 'a spennamma,
chist' ncia mangiamma,
e chist' pippiripipì a me nient'.